GALVEZ IBAÑEZ, MANUEL
Keres kontribuir a ke una lingua no muera, a adelantarla, a enfloreserla de muevo El djudeo-espanyol es una lingua muestra en peligro de dezparision. Los djudios ekspulsados de la Espanya en 1492 la prezervaron asta muestros días, la enrikesieron kon emprestimos linguistikos de otras linguas, la izieron sonar diferente, mas muzikal, ermoza. Malgrado lo anterior aun puedemos entendernos con eyos despues de 530 anyos! Si los mirakolos egzisten, este deve ser uno de eyos. Prezervaron i enrikesieron no solo la lingua, ama tambien la muzika, la kuzina, ES DECIR, muestra kultura. Muestra en el senso mas ancho, mas INKLUZIVO, MENOS POSESIVO. Por inkreivle ke pueda pareser en estos 530 anyos no se tiene publikado dingun livro en Espanya en esta variedad de muestra propia lingua. Este livro viene entonses a inchar un burako en las publikasiones espanyolas i de mizmo vos kombida a konoserla, a uzarla tal i komo es, a amarla.
La primera ovra publikada en Espanya enteramente en espanyol-sefardí desde la ekspulsion de los djudios en 1492.
Fina lo ke se save, este es un livro uniko. El primero publikado en Espanya enteramente en djudeo-espanyol desde la ekspulsion de los djudios en 1492. Estamos tambien en prezensia de una ovra integral. En su primera parte, el otor kere enamorar al lektor kon la istoria, la kultura i la lingua espanyola sefardí o djudeo espanyola. Ofrese tambien un diksionario bidireksional kon mas de 4300 palavras eskojidas, nosiones de gramatika i otros rekursos didaktikos ke van a fasilitar el fakto de tener konversasiones avladas i eskritas kon avlantes nativos, tal komo atestigua la propia eksperiensia del otor.
GIA PARA KONOSER SUS ISTORIA I AMBEZARSE LA LINGUA
La ovra konta kon 3 kolaborasiones ke la enrikesen muy muncho. El teksto fue korrijado por Güler Orgun, ko-editora de El Amaneser de Estambol i tiene dos prologos, uno del sheferedaktor de Akí Yerushalayim, el linguisto israeliano Aldo Sevi i el otro, ke onora toda la publikasion, de la akademika de la RAE i eksperta en djudeo-espanyol, la doktora Paloma Díaz Mas. Vos kombidamos a konoser, a uzar, a kontribuir a mantener biva, a enfloreser esta lingua ke agora se topa en sekaná grande de desparision i ke es parte de muestra istoria, de muestra kultura, es dizir, de mozotros mismos.
MANUEL GÁLVEZ IBÁÑEZ
Manuel Gálvez Ibáñez Es lisensiado i doktor en Medisina, espesialisto en Medisina de Famiya i de la Komunidad i master internasional en Pedagojia Medika. Agora pensioner, fue profesor asosiado en el Departamento de Medisina de la Fakultad de Medisina de Granada i profesor vijitante de la Universidad de Valparaiso de Chile. Tomó parte de la Komision Provinsial de Etika de la Investigasion en Salud de la Autoridad de Salud de Andalusia en Granada i de la Komision de Garantia de Kalidad del Titolo de Medisina en la Fakultad de Medisina de Granada. Fue fondador de la revista Medisina de Famiya Andalusia. Entre otros, es otor de los livros: Bive! Refleksiones de un Médiko de Famiya; La Tahá de Pitres, estudio antropolojiko, sosial i de salud; En la konsulta kon el mediko de personas, gia para elevos de Medisina; La guerta de Almería, un modo de vida ke se eskapa; i un romanso: Enamorado.
